இந்நாள் தமிழருக்கு நன்னாள்!

1.காவிரி நடுவர் மன்றம் (மண்டல் புகழ், சமூக நீதி காவலன் வி.பி.சிங் ஆட்சி காலத்தில் அமைக்கப்பட்டது)419 டி.எம்.சி அளவிலான நீரை தமிழகம் பெற வேண்டும் என தீர்ப்பு கூறியுள்ளது. இதற்காக உயர் திரு வி.பி.சிங், தூண்டுகோளாயிருந்த திராவிட தலவர்களுக்கு நன்றி.

2. தமிழ் நாட்டிற்கு 2007-08ம் ஆண்டுக்கான நிதி ஒதுக்கீடு 14,000 கோடி (உ)ரூபாய் ஒதுக்கப்பட்டிருக்கின்றது - இது முந்தய ஆண்டைவிட 1500 கோடி அதிகம்! இதை - டெல்லி ஆதிக்க அரசிடமிருந்து - பெற்றுத்தந்த கலைஞருக்கும், அவர் கூட்டணிக்கு வா(க்க)ய்ப்பளித்த தமிழ் நாட்டு மக்களுக்கும் நன்றி.

3. மற்றுமொரு பார்ப்பனிய பு.பி மீண்டும் ஒரு முறைஇங்கே பல்லிளித்துள்ளது. அவருக்கே அனைத்து நன்றியும் உரித்தாகுக!

4. என்னையும் கூட்டுக்களவானியாக்கியாக, பூணூல் காவலானாக என்னை காட்ட நினைக்கும் நண்பர்களுக்கும், அவர்தம் அறிவு வளர்ச்சிக்கும் வணக்கத்துடன்... நன்றி...நன்றி! :-)

ஒரு பாயோட பொங்கலை பாழாக்குன பகுத்தறிவு!

நம்ம நல்லடியார் பாய், "முஸ்லிம்களும் பொங்கலும்" அப்டின்னு எதிரொலிச்சு, அதுல, அவரோட பகுத்தறிவு(ஹிஹி அப்டின்னு அவ்ரே தானுங்க சொல்லியிருக்காரு :)) பார்வையில, பொங்கல் கொண்டாடறதே தப்புன்னு ஒரு மகா தீர்ப்பை வேற வாசிச்சிருக்காரு.

அதை பார்த்து பேஜாராகி, "நாட்டம, தீர்ப்ப மாத்து" ன்னு அங்கனயே ஒரு கொரலுடத்தான் பார்த்தேன். அது பெரிசாயிட்டதால, அதை இங்கனக்கி ஒரு பதிவா போட்டு, ஒரு பதிவு கயமைத்தனம். ஹிஹி..

நம்ம நல்லடியார் பாய்க்கு இருக்குற அவரோட பகுத்தறிவுல இப்டிக்கா அவருக்கு தெரியுதாமா.

//நடைமுறையில் பொங்கல் தினம் என்பது சூரிய வழிபாடு, பசு வழிபாடு என இந்து மதம் சார்ந்த தமிழர்கள் பண்டிகையாகவே கொண்டாடப்படுகிறது. எனவே,பொங்கல் என்பது முஸ்லிம்களும் கொண்டாடும் பொதுவான திருநாள் அல்ல.//

ஏம் பாய், ஒருவேளை, நாளைக்கே, உலகத்துல உள்ள முஸ்லீம் எதுரிங்கோ, அதாவது இஸ்ரேலு மொதக்கா காஞ்சி மடங்க வரை உள்ள உங்களை 'மாறி பகுத்தறிவு சிங்கங்கள்' அப்டீன்னு வெச்சுக்கோங்களேன் -

அவிங்கலாம் ஒன்னு சேந்து, இஸ்லாத்துக்கு எதிரா சதி பண்ணி, இனி நாம -அதாவது முஸ்லீம் எதுரிங்கோ எல்லாரும், ரம்ஜான் நோம்பு, ஈத், பக்ரீத் மொதலான பண்டிகையை எல்லாம் வேற மாரிக்கா, பகுத்தறிவ ஊஸ் பண்ணீ, அதாவது, சூரியன், சந்திரன், பசு காளை, பன்னி, புள்ளையாரு, ராமரு, அவரோட அணில் கொரங்கு, ம்... புத்தரு, பெரிய ஏசு, அப்புறமா கைப்புள்ள ஏசுன்னு, அவங்கங்க மத வழியில வழிபட்டு கொண்டாடுவோம்னு முடிவுபண்ணி, அப்டியே ஆரம்பிச்சுட்டாங்கன்னா, உங்க நெல என்னாகும் பாய்?

அட ஒங்க நெலையை உடுங்க பாய். அது உங்க கவலை, உங்க பங்காளிக கவலை.

எங்கவலை எல்லாம் என்னப்பத்தி தான் பாய். அதை கீழ எயுதுறேன்.

1. ஒன்னுமொன்னா என்னோட பயகுற பாய்மாருங்கல்லாம், அவங்களோட பண்டிகையை கொண்டாடுறதை வுட்டுட்டா, வருஷத்தில ரெண்டு நாள் ஓசில கெடைக்கிற நல்ல பிரியாணிக்கு ஆப்புதானா? :(

2. பாய்மார் வீட்டுலேருந்து வர்ற 'குர்பானி' கறிய, மண்டபத்துல வெச்சு நாங்களே சமைச்சு(?), கொள்ளிடம் சாராயம் உதவியோட தின்னு, ஒரு ரெண்டு நாளு மட்டையாகி மோட்சமடையறது எல்லாம் அப்புறம் பழங்கதைதானா? :(

3. அப்புறம், வருஷத்துல ஒரு நாள், ஒரு தொப்பிய ஒன்னயும் போட்டுவுட்டு, கோப்பையில கஞ்சி கொடுப்பாங்களே, அதெலாம் உட்றுவாங்களா?

4. அட உள்ளதெல்லாம் பத்தாதுன்னு, உங்க பகுத்தறிவை (சிரிக்காம படிங்க மக்க்கா) 'எதிரிங்க என்னடா எனக்கு வெக்கிறது ஆப்பு? நானே எனக்கு வெச்சுக்கிட்டேன் போடா' ன்னு கொள்கை சிங்கம் வைகோ ரேஞ்சுக்கு சொல்லிக்கிறீங்க, //ஜல்லிக்கட்டு என்ற பெயரில் மாடுகளைக் கொடுமைப் படுத்துகிறோம்//

ஏம் பாய் இதெல்லாம் தேவையா? ஒங்களுக்கே ஓவரா தெரியலியா?

உட்டா, "பாப்பனெல்லாம் கறி துன்றான். அத்தொட்டு இனிமேக்கா முஸ்லீம் எல்லாம் சைவமா மாறி, அக்ரஹாரத்துல குடி இருக்கனும்னு' கூட சொல்வீங்க போல!

நல்லடியார் பாய், நீங்க தமிழனா? இல்லை அரபிக்கு பொறந்தவரா? எப்படியோ ஒங்க பகுத்தறிவை வெச்சு என்னவோ சொல்லிக்குங்க. எங்கியோ போய்க்குங்க, எதனா கொண்டாடுங்க, இல்ல கொண்டாடாமத்தான் உடுங்க.

பாய் வூட்டு பொங்கலை பத்தி எனக்கென்ன கவலை? :)

பிரியாணி மற்றும் மாட்டு கறிக்கு மட்டும் உங்க பகுத்தறிவுனால எந்த பாதிப்பும் வராம பாத்துக்குங்க பாய்.

இனிய 'தமிழர் திருநாளாம்' பொங்கல் வாழ்த்துக்கள் - தமிழராய் உணர்வோருக்கு மட்டும்!

போக்கிரி பொங்கல்- மலேசியாவில்!

Ilaya Thalabathay Vijay with Ashin in Pokkiry"அட, இந்த படத்துல அசின் இருக்காப்லயா?" என கேட்ட நண்பருடன் சேர்ந்து ஜொல்லியபடியே, கோலாலம்பூர் கொலோசியம் தியேட்டரின் உள்ளே நுழைந்தேன்!

வருங்கால 'டமிலக முதல்வர்கள்' என கன்பார்ம் செய்யப்பட்ட கோலிவுட் ஹீரோக்களின் பட விதியையும் மீறி, ஹீரோயின், (அட நம்ம அசின்தானுங்க) படம் முழுக்க வருகிறார். கூடவே நடிக்கவும் சில இடங்களில் வாய்ப்பு. அதுக்காக டைரக்டர் பிரபுதேவாவுக்கும், இளைய தளபதிக்கும் 'உங்கள்' சார்பா என் நன்றி. இது தான் படத்தோட முக்கிய +னு நான் நினைக்கின்றேன். (ஹிஹி..)

இன்னுமொரு ரவுடி Vs போலீஸ + முஸ்லீம் தேச துரோகி (விதிவிலக்கா இந்த படத்துல நேர்மையான போலீஸ் கமிஷனர் பாத்திரமும் ஒரு முஸ்லீம் - கலாம் எப்பெக்டா?) + அப்புறம் ஒரு அழகான அபலை பெண் என இப்போதைய ட்ரெண்டுக்கான படம். என்ன, இந்த படத்துல அபலை பெண்ணா, அநியாத்துக்கு அழகான நம்ம அசினை போட்டு எடுத்துருக்காங்க. அதுக்குன்னே மீண்டும் ஒரு முறை மேற்படி இரண்டு பேருக்கும் ஒரு நன்றி போட்டுக்கலாம்.(ஹிஹி)

இதுக்கு மேல படத்தை பத்தி சொல்லவோ, விமர்சனம் பன்னவோ எனக்கு சினிமா ஞானம் பத்தாதுன்றதால, விமர்சனமா இல்லாம, எனக்கு தோனுறத எழுதிருக்கேன். அதுனால, இதெல்லாம் ஒரு விமர்சனான்னு விமர்சிக்காம மேல படிங்க.

இரசிச்சது:

1. கவனிச்சதுல, மலேசிய தமிழர்களிடம் நல்ல ரசனை இருக்கிறது - அசின் வரும் காட்சிகளுக்கு அவர்கள் தரும் வரவேற்பே அதற்கு சாட்சி (ஹிஹி..)

2. விஜய்க்கு, ஆண்களைவிட பெண் இரசிகர்களே அதிகம். மிளகாய் விண்ணில் தெறிக்க Ashin learning to whistle from the tamil movie Pokkiry
காரமாய் விஜய் அறிமுகமாகும் காட்சியில், விசில் சத்ததை விட, வீலிடும் பெண்களின் குரலே அதிகம் கேட்கிறது. (பெண்கள்னா விசிலடிக்க மாட்டாங்களான்னு கேட்பவர்களுக்கு, விசிலடித்து ஆட்டோ கூப்பிடும் விஜயிடம், அசின் "எப்படி" என கேட்க, நாக்கை மடக்க சொல்லி, அசின் வாயில் தன் விரலை வைத்து விசிலடிக்க சொல்லி தரும் காட்சியே சாட்சி.)

3. சொன்னா நம்புங்க, விஜயைவிட அதிக வரவேற்பை பெற்றவர், இம்சை அரசன் வடிவேல் :)

4. எல்லாத்தையும் தூக்கி சாப்புடுறாரு, 'டேய் செல்லம்' பிரகாஷ்ராஜ்! ஹீரோ லெவலுக்கு கைதட்டல் வாங்குறாரு அறிமுக காட்சியிலேயே!

அது மட்டுமில்ல, பர்பாமென்சுலயும் பின்றாரு. அதுலயும், அவரை புடிச்சு உள்ள வெச்சு, "இவனுக்கு சாப்பாடு பிரியாணி, சிக்கன், மட்டன், என்ன வேணும்னாலும வாங்கி் கொடுங்க. தூங்க மட்டும் விடாதிங்க. தூங்கினான்னா உடனே அடிங்க" ன்னு கமிஷனர் நெப்போலியன் சொல்லிவிட்டு போக, பிரகாஷ்ராஜ் தூங்குவாரான்னு குண்டாந்தடியுடன் போலீஸ் அவரை சுத்தி நிக்க, தூங்கிவிடாமல் (அடி விழாமல்) இருக்க பிரகாஷ் செய்யும் சேஷ்டைகள் எல்லாம் தியேட்டரை குழுக்கி எடுக்கிறது.

விஜய்கிட்ட செமயா வாங்கி, இரத்தம் வழிய வழிய தள்ளாடியபடியே, பிரகாஷ் ராஜ் "டேடேடேய் செல்லம்" எனும் காட்சி - அதெல்லாம் பார்த்து ரசிக்கனும்ங்க!

6. அப்புறம், நாசர் தனக்கு கெடச்ச சின்ன ரோலை வழக்கம் போல நல்லா செஞ்சிருக்கார்.

7. பீடா + அசின் மேல ஜொள்ளூ வடிய வரும் அந்த 'காவாளி' போலீஸ் இன்ஸ்பெகடர். (யாருனு தெரியலே)

8. பாடல்களில், சாதி கொடுமை குறித்த சாடல் - ஒத்தை வரியாகவேனும் - மற்றும் பெண்கள் / குழந்தைகளுக்கு எதிரான வன்முறைக்கு எதிராய் - உற்று கவனிககாவிட்டால் தவறவிடப்படும் அளவிலேனும் - ஒரு தமிழ் ஹீரோ பேசுவது. [பெண்களுக்கெதிரான வன்முறையை ஹீரோயிசமாக காட்டிய சூப்பர் ஹீரொக்கள் நிரைந்த தமிழ் திரை உலகில் இது சிறு புரட்சித்தான்]

9. 'வசந்த முல்லை போல வந்து அசைந்து ஆடும் வென்புறாவே' ரீமிக்ஸ் பாடல் + காட்சியாக்கிய விதம்.

எரிச்சலாகியது:

-1. வில்ல்ன் கூட்டத்தில வரும் 'கவர்ச்சி' பெண். என்னவோ(?) பண்ணபோராருன்னு பில்டப்பு கொடுத்து கடைசிவரை ஒன்னும் பண்ணாமலே செத்துபோரார். (ஆமா, அவரு யாருங்க?)

-2. துப்பாக்கி, தோட்டா, இரத்தம்னு பிரேம் / பிரேம் எக்கச்சக்க வன்முறை.

-3. வில்லனை தாவுத இப்ராகிம் க்ளோன் ஆக்கி வரும் 19991வது தேசபக்தி படம். :)

-4. பிரண்ட்ஸ் கூட்டனி இல்லாத விஜய் படமே வராதா?

-5. வில்லன் ஆட்கள் 20 பேரா போனாக்கூட, முதல்ல ஒருத்தர் மட்டும் போய் ஹீரோகிட்ட அடி வாங்கி விழும் வரை மற்றவர் காத்திருந்த் போய் தனி தனியா அடி வாங்கும் 'ஒழுங்கு முறை' இன்னும் எத்தனை நாளைக்கு தான் நம்மவர்களால் இரசிக்கப்படும்?

--6ஹீரோயின் உடை - அசின் காஸ்ட்யூம் படு திராபை. 'மாம்பழமாம் மாம்பழம்' பாடலில் வருவம் இரண்டு உடை தவிர வேறு காட்சிகளில் அம்மனியின் உடைகள் எதுவும் சிலாகிக்கும் படியாய் - அசினின் இயல்பான அழகுக்கு அழகு சேர்ப்பதாய் இல்லை. :(

ஆக மொத்தத்துல, பெரிசா சிலாகிக்க முடியலேனாலும் கூட, சிரித்து இரசிக்க முடிஞ்சது.

நேரமும் வாய்ப்பும் கெடைச்சால் நீங்களும் போய் படத்தை (முக்கியமா அசினை) பார்த்துட்டு நாலு வரி பதிவாக போடுங்களேன்.

அப்புறம் முக்கியமா - எல்லோருக்கும் எல்லா நலமும் கிட்டிட, தமிழர் திருநாளாம் 'பொங்கல்' வாழ்த்துக்கள்.

கழுகுகளை விரட்ட வரும் 'பெரியார்': கருணாநிதி

பெரியாரின் நினைவுச் சின்னங்களை அழிக்க வேண்டும், ஒழிக்க வேண்டும் என்று வட்டமிடும் கழுகுகளை விரட்டியடிக்கும் அளவுக்கு பெரியார் படம் வெற்றி மாலை சூட வேண்டும் என்று முதல்வர் கருணாநிதி கூறியுள்ளார்.

ஞானராஜசேகரன் இயக்கத்தில், நடிகர் சத்யராஜ், குஷ்பு, ஜோதிர்மயி உள்ளிட்டோரின் நடிப்பில் உருவாகியுள்ள பெரியார் படத்தின் ஆடியோ சிடி வெளியீட்டு விழா சென்னையில் நேற்று நடந்தது.

இதில் முதல்வர் கருணாநிதி கலந்து கொண்டு முதல் சிடியை வெளியிட்டார். அதை நடிகர் கமல்ஹாசன் பெற்றுக் கொண்டார்.



நிகழ்ச்சியில் கருணாநிதி பேசுகையில், நான் அரங்கத்தின் உள்ளே வந்தபோது என்னை அறியாமல், எனது கால்கள் தள்ளாடின. ஆங்கிலத்தில் டென்ஷன் என்பார்களே, அந்த டென்ஷன் என்னைக் கவ்விக் கொண்டது.

டென்ஷனுக்குக் காரணம் பெரியார் என்ற அந்தப் பெயர்தான். தம்பி சத்யராஜ் பெரியார் தோற்றத்தோடு காணப்பட்ட காட்சியைப் பார்த்தபோது மெய் சிலிர்த்தது. நான் என்னையே இழந்தேன்.

இது சத்யராஜ் செய்த தவம், வைரமுத்து செய்த தவம் என்று தம்பி வைரமுத்துவிடம் சொன்னேன்.

பெரியாருடைய படத்தை நாம் தயாரித்துக் கொண்டிருக்கிற நேரத்தில் அவருடைய நினைவுச் சின்னங்களை அழித்து விட வேண்டும், ஒழித்த விட வேண்டும் என்று சில கழுகுகள் வட்டமிட்டுக் கொண்டிருப்பதைக் காண முடிகிறது.

வட்டமிட்டுக் கொண்டிருக்கிறார்கள் என்று சொல்வதற்குக் காரணம், வட்டமிடுவது எது என்று உங்களுக்குத் தெரியும். நானே எழுதியிருக்கிறேன் வட்டமிடும் கழுகு என்று.

அந்தக் கழுககுளை விரட்டியடிக்கிற அளவுக்கு இந்தப் பெரியார் படம் வெற்றி மாலை சூடும் என்ற நம்பிக்கை எனக்கு உண்டு. வெற்றி மாலை சூட வேண்டும்.

தந்தை பெரியார் சினிமாவை அறவே வெறுப்பவர் அல்ல. சூரியாகாந்தி படத்தின் 100வது நாள் விழாவில் கூட அவர் கலந்து கொண்டார். அந்த விழாவில் அவர் தலைமை வகித்து உரையாற்றி இருக்கிறார். அந்த உரையில் உள்ளபடி தொடர்ந்து படங்கள் வந்திருக்குமானால், வருமேயானால் அந்தப் படங்களை யாரும் வெறுக்க மாட்டார்கள்.

என் தமிழர் படமெடுக்க ஆரம்பஞ் செய்தார்
எடுத்தார்கள் ஒன்றிரண்டு பத்துநூறாக
ஒன்றேனும் தமிழர் நடையுடை பாவனைகள்
உள்ளதுவாய் அமைக்கவில்லை, உயிர் உள்ளதில்லை!
ஒன்றேனும் தமிழருமை உணர்த்துவதாயில்லை.

வடநாட்டார் போன்ற உடை, வடநாட்டார் மெட்டு
மாத் தமிழனில் நடுவினிலே தெலுங்கு கீர்த்தனங்கள்
வட மொழியில் ஸ்லோகங்கள்
ஆங்கிலப் பிரசங்கம் வாய்க்குவரா இந்துஸ்தான் ஆபாச நடனம்
அடையும் இவை அனைத்தையும் கழித்துப் பார்க்குங்கால்

அத்திம்பேர், அம்மாமி எனுத் தமிழ்தாம் மீதம்! என்று புரட்சிக் கவிஞர் பாரதிதாசன் பாடியது போல்தான் படங்கள் இருந்தன. அதனால்தான் தந்தை பெரியார் திரைப்படங்களை வெறுத்து ஒதுக்கினார்.

பெரியார் அவர்கள் எனக்கு, ஆருயிர் இளவல் தமிழர் தலைவர் கி.வீரமணி ஆகியோருக்கு ஆசானாக இருந்தார். நாம் அவரை இன்றைக்கு இழந்திருக்கிறோம் என்றால், நாங்கள் இரண்டு பேரும் இன்றைக்கு இருக்கிறோம். நாங்கள் இருப்பது, என்னைப் பொருத்தவரையில், அவரைப் பொறுத்தவரையில், இரண்டு பேரும் எண்ணிக் கொண்டிருக்கிறோம், பெரியாருடைய புகழைப் பரப்பத்தான் இயற்கை எங்கள் இருவரையும் விட்டு வைத்திருக்கிறது என்ற அந்த நம்பிக்கையோடு இருக்கிறோம்.

இங்கே பெரியார் ஆட்சி நடக்கிறது என்று குறிப்பிட்டார்கள். பெரியாரும், பேரறிஞர் அண்ணாவும் இணைந்து நடத்துகின்ற ஆட்சியை நிச்சயமாக நான் நடத்துவேன். அதற்கு நீங்கள் (கி.வீரமணி) 'கீ' யாக இருங்கள். ஏனெனில் நீங்கள்தான் கீ. வீரமணி ஆயிற்றே என்றார் கருணாநிதி.

நிகழ்ச்சியில் நடிகர் கமல்ஹாசன் பேசுகையில், பெரியார் வேடத்தில் நடிக்க சிவாஜி கணேசன் ஆசைப்பட்டார். ஆனால் அது அவருக்கு வாய்க்கவில்லை. அது சத்யராஜுக்குக் கிடைத்துள்ளது. எவ்வளவு பெரிய பெருமை!

அற்புதமான இந்த வாய்ப்பு கிடைத்துள்ளதால், இந்தப் படத்திற்காக சத்யராஜ் பட்ட பாடெல்லாம் தகும். ஆனால் இதன் மூலம் வருமானத்தை எதிர்பார்க்க முடியாது. பெரியார் கருத்துக்களைச் சொல்லும்போது நஷ்டம்தான் ஏற்படும்.

நான் கி.வீரமணியை 4 .றை சந்தித்திருக்கிறேன். அதன் பிறகு சந்திக்க முடியவில்லை. அதற்கு நான் செய்யும் தொழில் ஒரு காரணம். அவருக்கே முட்டைகளை வீசுகிறார்கள் என்றால், நமக்கு என்ன வீசுவார்கல் என எண்ணிப் பார்த்தேன். அடிக்கடி சந்திக்க முடியவில்லை.

நான் பெரியார் தொண்டராக மாற வழி விட்ட எனது குடும்பத்துக்கு நான் நன்றி தெரிவித்துக் கொள்கிறேன். சமீபத்தில் எனக்கு கேரளாவில் சிறந்த பகுத்தறிவாளருக்கான விருது கொடுத்தார்கள். நடிப்பின் மூலம் எனக்குக் கிடைத்த பாராட்டு, பட்டங்களை விட இந்த விருதை நான் பெரிதாக கருதுகிறேன்.

எனக்கு தமிழ் வாத்தியார் முதல்வர் கருணாநிதிதான். ஆத்திகம் பேசுபவர்கள் வசதியானவர்கள் என்பது போலவும், நாத்திகம் பேசுகிறவர்கள் நாசமாகப் போனவர்கள் என்றும் ஒரு கருத்து இருக்கிறது. எனக்குத் தெரிந்து நாத்திகம் பேசுகிறவர்கள் நேர்மையானவர்களாக இருக்கிறார்கள் என்றார் கமல்.

நிகழ்ச்சியில் நடிகர் சத்யராஜ், கவிஞர் வைரமுத்து, கி.வீரமணி, நடிகை குஷ்பு, ஒளிப்பதிவாளர் தங்கர்பச்சான் உள்ளிட்டோரும் பேசினர். கமல்ஹாசன், சத்யராஜ், குஷ்பு ஆகியோர் கருப்பு உடை அணிந்து நிகழ்ச்சியில் கலந்து கொண்டனர்.
நன்றி: தகவலும் படங்களும் Thats Tamil

சோதனை பதிவு.

இது ஒரு சோதனை பதிவு.

தந்தை பெரியார் - சில புகைப்படங்கள்.


Periyar with Gandhi
இந்திய தேசத்தந்தை காந்தியுடன் தந்தை பெரியார்.


Periyar with Selvanayagam
ஈழத்தந்தை செல்வநாயகம் அவர்களுடன் தந்தை பெரியார்.


Periyar with Jinnah and Ambedkar
முகமது அலி ஜின்னா, பபா சாகேப் அம்பேத்கர் ஆகியோருடன் தந்தை பெரியார்.


Periyar with Kundrakudi Adigalar
தவத்திரு குன்றக்குடி அடிகளார், தந்தை பெரியார்.


Periyar with Bharathidasan
புரட்சிக் கவிஞர் பாரதிதாசன் உடன் தந்தை பெரியார்.


Periyar with Kamaraj
'பச்சைத்தமிழன்' என தந்தை பெரியாரால் விளிக்கப்பட்ட பெருந்தலைவர் காமராசருடன்.


Periyar with Aringar Anna
திராவிட ஆட்சிக்கு தமிழ்நாட்டில் அடி கோலிய பேரறிஞர் அண்ணா அவர்களுடன் தந்தை பெரியார்.


தந்தை பெரியார் (1879, செப்டம்பர் 17) அவர்களை, அவர் தம் பிறந்த நாளில் நினைவு கூறும் முகமாக....

தஸ்லீமா இந்தியாவில் குடியிருக்க அரசு தடை.

தஸ்லிமா நஸ்ரின், வங்கதேச பெண் எழுத்தாளர். பெண்கள் மற்றும் சிறுபான்மையினரான இந்துக்களுக்கு இழைக்கப்படும் கொடுமைகளுக்கு எதிராய் குரலெழுப்ப்பியதால், வங்கதேச மத அடிப்படைவாதிகளால் எதிர்கப்பட்டார். எதிர்ப்பு, கொலை மிரட்டல் பட்வா வர, அங்கு வாழ இயலாத சூழலில், அவரை வரவேற்ற ஐரோப்பிய யூனியன், அவருக்கு குடியுரிமையும் வழங்கியது.

ஆனால், அதை மறுத்த வங்காளியான தஸ்லிமா தேர்தெடுத்தது, அவர் இன மக்கள் வசிக்கும் மேற்கு வங்க மாநில தலைநகர் கொல்கத்தா. "எனது வேரை இங்கு உணர்கிறேன்," என்று அதற்கு காரணமும் கூறியிருந்தார்.

சென்ற ஆண்டு, மத்திய அரசு தஸ்லிமா இந்தியாவில் குடியிருக்க ஓராண்டு அனுமதி அளித்திருந்தது. இப்போது அது முடிவுறும் வேலையில், அதை நீட்டிக்க கோரிய அவரின் வேண்டுகோள், மேற்கு வங்க அரசினால், மத்திய அரசுக்கு அனுப்பட்டிருக்கிறது. குடியிருப்பு உரிமையை நீட்டிப்பதற்கு மாறாய், குடியேற்ற உரிமையை நீக்கி, 6 மாத கால சுற்றுலா விசா மட்டும் வழங்கி வங்கதேச 'பச்சை' படைகளுக்கு பால் வார்த்திருக்கிறது, மத சார்பற்ற இந்திய அரசு.

தான் மீண்டுமொருமுறை வேருடன் பிடுங்கப்பட்டதாக தெரிவிக்கிறார், தஸ்லிமா நஸ்ரின்.

இந்திய சிறுபான்மையினருக்கு குரல் கொடுக்க வேன்டியதற்கு உள்ள அனைத்து நியாயங்களும், இலங்கை, பாகிஸ்தான், வங்க தேசம் அல்லது உலகின் பிற எந்த நாட்டிலும் வாழும் சிறுபான்மையினருக்கும் - அவர்கள் மதம் எதுவாக இருந்தாலும் - பொருந்தும் தானே?

இங்கே மதச்சார்பின்மை 'பேசு'பவர்கள் மற்ற நாடுகள் என்றால் மவுனிப்பதும், பாகிஸ்தான், வங்கதேச சிறுபான்மையினருக்கு ஆதரவு குரல் கொடுப்பவர்களே இங்குள்ள சிறுபான்மையினருக்கெதிரான கொடுமையை நிகழ்த்துவர்களாயிருப்பதும்....

'மதம் மனிதத்துக்கு எதிரானது' என்பதை நிரூபிக்க, மனிதத்தை கொல்லும் மனிதர்கள்(?).

தடை சரியே - சோ விளக்கம்!

அகில உலக அரசியல் ஞானியும், 'தலை'சிறந்த பத்திரிக்கையாளரும், முன்னாள் கமெடி நடிகருமான சோ, 'அனைவரும் அர்ச்சகர் ஆகலாம்' என்று கருணாநிதி அரசு கொண்டுவந்த அவசர சட்ட திருத்தத்திற்கு, சுப்ரீம் கோர்ட் இடைக்கால தடை விதித்திருப்பது 'சரியே' என்பதை தனது வழமையான வாதங்களுடன் முன் வைத்தார்.

இன்று தனது அலுவலகத்திலிருந்து வெளியே வந்த சோ வை குறிப்பிட்ட 'சில' பத்திரிக்கை நிருபர்கள் மட்டும் சூழ்ந்து கொண்டு இடைக்கால தடை குறித்து கேட்டனர்.

"In fact, சுப்ரீம் கோர்ட் பிராமனரல்லாத பிற ஹிந்து இளைஞர்களை காப்பாற்றவே இப்படியோர் இடைக்கால தடையை கொடுத்திருக்கிறதா நான் நினைக்கிறேன்" என்று கூறியதும் செய்தியாளர்கள் என்ன சொல்கிறார் என்பது புரியாமல் 'ஙே...' என 'முழித்தனர்'.

மேற்கொண்டு ஏதும் கேட்காமல் முழித்த நிருபர்களை, அதைவிட பயங்கரமாக முழித்தபடியே சோ கூறினார், "இப்போ, இடைக்கால தடை விதிக்காம, வழக்கு நடந்து, இந்த அவசர சட்ட திருத்தம் அரசியல் சட்டத்துக்கு எதிரானது அப்டீன்னு இறுதி தீர்ப்பு வருதுன்னு வெச்சுக்குவோம், அதுக்குள்ள கருணாநிதி ரோட்டுல, (சற்றே நிறுத்தி) ஈரோட்டுல இல்ல (நிருபர்கள் 'கெக்கே பிக்கே' என சிரிக்கின்றனர்) போர வர்றவங்களை அரசியல் காரணத்துக்காக ஆசை காண்பிச்சு அர்ச்சகர் ஆக்கியிருந்தார்னா, அவங்களோட கதி?"

உணர்ச்சி வயப்பட்ட தினமலம் ரிப்போர்ட்டர் "பேஷ், பேஷ்," என்ற படி கை தட்டுகிறார். கூடத்திலிருக்கும் 'ஒருவர்' குணா கமல் மாதிரி கைகளை சோ இருக்கும் திசை நோக்கி நீட்டியபடி இடம் வலமாக ஆட ஆரம்பிக்கிறார்) கை தட்டலையும், குணா டான்ஸையும் உள்ளுக்குள் ரசித்தபடியேயும், வெளிக்கு அலட்சியம் செய்த படி தன் கருத்தை கூறுகிறார் அரசியல் மேதை 'சோ', "சுப்ரீம் கோர்ட், ஹரிஜன, மற்ற ஜாதி ஹிந்து இளைஞர்களை கருணாநிதியின் அரசியல் சூழ்ச்சியிலேந்து காப்பாத்திருக்குன்னு தான் நான் நினைக்கிறேன். அதுக்காக சுப்ரீம் கோர்ட்டுக்கு மொத்த தமிழ் நாடும் நன்றி கடன் பட்டிருக்கு."

'கருணாநிதி, சூழ்ச்சி' இரண்டையும் ஒரே வாகியத்தில் கேட்டதால் சகஜ நிலைக்கு திரும்பிய தினமலம் நிருபர், "இந்த சட்ட திருத்தம் தேவையா? ஹிந்து அமைப்புகள் வேறு அனைவரும் அர்ச்சகர் ஆக ஆதரவு தெரிவிக்கின்றதே? இதனால் தமிழ்நாட்டுக்கு ஏதாவது நன்மை கிடைக்குமா?" என எடுத்து கொடுக்கிறார்.

('தமிழ்நாட்டுக்கு ஏதாவது நன்மை கிடைக்குமா?' என்பதை மிகுந்த கவலையுடனே கேட்கிறார் தினமலம் நிருபர். அதை உள்வாங்கியபடி -மேதையோன்னோ?) சோ சொல்கிறார், "கருணாநிதியும் ஒன்னை சொல்றார், அதை ஹிந்து இயக்கமும் ஆதரிக்குதுன்னா அதுலேந்து என்ன தெரியுது?" என கேட்டு நிறுத்தி முழு வீச்சில் முழித்தார் சோ. (கூட்டத்திலிருந்து 'ஒருவர்' "என்ன தீர்க்கமான பார்வை! பகவானே" என்று கன்னத்தில் போட்டுக்கொள்கிறார்)

பேச்சற்று இருந்த நிருபர்களிடம், "இந்த சட்டமே தமிழர்களுக்கு எதிரானதுன்றது புரியல்ல?" என்று கேட்ட சோ, இப்பொது நிருபர்கள் தன்னை விட பயங்கரமாக முழிப்பதை பார்த்து சுதாரித்து, உடனடியாக தொடர்ந்தார், "இப்போ தமிழ்நாட்டுல எல்லாரும் கம்ப்யூட்டர் படிச்சுட்டு அமெரிக்கா, சிங்கப்பூர் (அவர் சொன்ன மற்ற ஊர்கள்லாம் தினமலம் வாசகர்களுக்கு - அதன் நிரூபர்/ஆசிரியருக்கும் கூடத்தான்- புரியாது) இல்லேன்னா டைடல் பார்க்குல வேலை பார்த்து கை நிறைய சம்பாதிக்குறது கருணாநிதிக்கு புடிக்கல. அதான், சம்ஸ்கிருதம் படிச்சுட்டு (கருணாநிதி எப்போ சம்ஸ்காரம் பண்ண சொன்னார்? சாரி, சமஸ்கிருதம் படிக்க சொன்னார்னு யாரும் கேக்கல) கோவில்ல மணியாட்டி தட்டுல காசு விழுமான்னு பாத்துக்கிட்டு இருக்கட்டும்னு கெட்ட எண்ணத்துல இப்படியொரு சட்டம் கொண்டுவர பாக்குறார். "

மேர்கொண்டு ஏதும் கேள்வி கேட்கும் நிலையில் நிருபர்கள் இல்லையென்பதை உணர்ந்த சோ தொடர்கிறார், "கோவில்ல பூஜை பண்ணா என்ன கிடைக்கும்? அரை தேங்கா மூடியும், மீந்து போன அக்கார வடிசலும்தான். ('இதுக்கா இவ்ளே அடிச்சுக்கரா இவா' ந்னெல்லாம் யாரும் கேட்கல) பரம்பரையா பூஜை செய்கிறவங்களே அதை விட்டு விட்டு வேறு வேலைக்கு போகும்போது, மத்தவங்களை இதுல இழுத்துவிட கருணாநிதிக்கு என்னா காரணம்?" அங்கிருப்போர் யாரும் பதில் சொல்ல மாட்டார்கள் என்பது தெரிந்தே தொடர்கிறார் சோ.

"கருணாநிதியோட குடும்ப அரசியல் தான் எல்லாத்துக்கும் காரணம். அவரோட சேர்ந்த ராமதாஸ் கூட கருணாநிதியால தான் கெட்டார். ராஜாஜி (பெயர் கேட்டதுமே கூட்டத்திலிருந்து 'ஒருவர்', "சரணம், சரணம்") நெனைச்சிருந்தா அவர் மகன்களை பிரதமாரக்கியிருந்திருக்கலாம். ஆனால், (சோவின் குரலில் ஏமாற்றம் தெரிகிறது. கூட்டத்திலிருக்கும் 'ஒருவர்' கண்ணீர் வடிக்கிறார்) ராஜாஜி அதை செய்யல. ஏன்னா அவர்லாம் மகோன்னதமான தலைவர். (கூட்டத்திலிருக்கும் 'ஒருவர்' சாமியாடும் நிலைக்கு போய், அரசியல் மேதை 'மகான்' சோவின் பேட்டிக்கு இடையூராகுமே என்று தன்னை கட்டுப்படுத்திக்கொள்கிறார்) ராமதாஸும், கருணாநிதியும், மகனையும், பேரனையும் மத்திய மந்திரியாக்கி அழகு பாக்குறதுக்கு தமிழ் நாட்டோட நலனை பாழாக்குறாங்க. இந்தி படிக்காதேன்னு சொல்லி எல்லாரையும் கெடுத்துட்டு, பேரனை மட்டும் ஹிந்தி படிக்க வெச்சு மத்திய மந்திரியாக்கிட்டார். (பேரனுக்கு ஹிந்தி தெரியாதுன்னு கருணாநிதி சொல்லிட்டாரேன்னு எல்லாம் சொல்ல அங்கே யாரும் இல்ல) இவங்களோட சுய நலத்தை ஜனங்கள் புரிஞ்சுக்கனும்."

"கருணாநிதி பெரியாரையும் மதிக்கலேன்னு இதுலேருந்து தெரியுது. (நக்கலாக சிரித்தபடி) கடவுள் இல்லை, கோயிலுக்கு போகாதேன்னு சொன்ன பெரியாரோட சீடர் கோயில்ல அர்ச்சகரா யார் ஆகுரதுன்னு கவலை படலாமா?" (மீண்டும் கைதட்டல். 'ஒருவர்' விசிலடித்து நடனமாட ஆரம்பித்து, பின்னர் தன்னிலை மீண்டும் உணர்ந்தவராய் நிறுத்துகிறார்.)

பேச்சற்று இருந்த நிருபர்களிடம் மேற்கொண்டு பேசுகிறார் சோ, "அதனால தமிழ்நாட்டு இளைஞர்கள் எல்லாம் அரசியல் வாதிகளோட பேச்சை கேட்டு அர்ச்சகர் ஆகி எதிர்காலத்தை கெடுத்துக்காம, ஹிந்தி படிச்சு பீகார், உ.பி, உத்திராஞ்சல்ல இருக்கிற வேலை வாய்ப்புகளையும், கம்ப்யூட்டருக்குன்னே உருவான சம்ஸ்கிருதத்தை படிச்சு அமெரிக்காவிலயும் வெலை பார்க்கனும்னு தான் நான் விரும்பறேன். அப்படியே தான் சுப்ரீம் கோர்ட்டும் விரும்புதுன்னு இந்த தடை மூலமா நான் புரிஞ்சுக்கறேன். அதனால இளைஞர்களை கெடுக்கும் இந்த சட்டத்தை தமிழ் நாட்டுல இருக்குற ஒவ்வொருத்தரும் எதுக்கனும்".

நிருபர்கள், தங்கள் கொள்கையையொட்டிய ஒரு பேட்டி கிடைத்த திருப்தியிலும், சந்தியா வந்தனம் பண்ண நேரம் நெருங்கிவிட்டதே என்பதாஅலும், பேட்டியை முடித்து கிளம்ப ஆயத்தமானார்கள்.

அதே நேரம் சோவும், "திராவிட அரசியலின் இன்னொரு கோமாளித்தனம், சுப்ரீம் கோர்ட்டினால் மறுபடியும் சுட்டிக்காட்டப்பட்டுள்ளது." என்று பண்ச் கொடுத்து பேட்டியை முடித்த படி imported சொகுசு ஊர்தியில் ஏறி மறைந்தார்.

காரில் ஏறி போன பின்பும் கூட சோவின் தலைக்கு பின் இருந்த ஒளிவட்டம் அங்கேயே இப்போதும் இருப்பதை கண்ட கூட்டத்திலிருந்த 'ஒருவர்' (சோ பக்தர்), சாஸ்டாங்கமாக சோ நின்ற இடத்தில் விழுந்து நமஸ்கரித்தார். நமஸ்கரித்து எழுந்த பின்புதான் புரிந்தது அது ஒளி வட்டமல்ல, காலை முதல் மாலை வரை மட்டுமே எறியும் சென்னை மாநகராட்சி மின் விளக்கு ஏற்படுத்திய காட்சிப்பிழை எனபது. இருந்தாலும் அந்த விளக்கை அந்த நேரத்தில் சோவின் தலைக்கு பின்னால் வைத்து, அந்த தலையையும் மொட்டையாய் வைத்து, அந்த ஒளி அதில் பிரதிபலிக்க செய்து, தனக்கு சோவின் மேன்மையை விளக்கியது 'உள்ளங்கவர் கள்வன் என் அப்பன் தென்திருப்பேரை மகரநெடுங்குழைகாதன்' தான் என தனக்கு தானே சொன்னபடி கிளம்பினார் - ஒரு பதிவு போட.

அது பற்றி பின்னர் பேசுவேன்!

ஹா.ஹா. அனைவரும் அர்ச்சகர் சுப்ரீம் கோர்ட் ஆப்பு!

ஓகே, இடைக்கால ஆப்பு.

இட ஒதுக்கீடு போன்ற இந்திய தேசிய நலனுக்கு எதிரான திட்டங்கள் தடுக்க ஒரு அமைப்பு இருப்பது, நம் நாட்டின் எதிர்காலத்தின் மேல் மிகுந்த நம்பிக்கையை ஏற்படுத்துவதாயுள்ளது.

இதை 60வது சுதந்திர தினம் கொண்டாடும் இந்தியர்களுக்கு, இந்திய நீதி துரைகளின் பரிசாக எண்ணி புளங்காகிதமடைவோம்!

காட்டுமிராண்டி சட்டமியற்றும் கருணாநிதி, ஏற்கனவே ஒரு முறை, சமீபத்தில் 1972-ல் இதே சட்டத்தை கொண்டு வந்த போது, இதே உச்ச நீதிமன்றம் அதை தடை செய்து நீதி யை காப்பாற்றியது உங்களுக்கு நினைவிருக்கலாம். ஆனால் பாவம் கருணாநிதிக்கு தான் ஞாபக மறதி!

சமூகநீதி என்ற பெயரில் மக்களை குழப்பும் கருணாநிதி, ராமதாஸ், திருமா போன்றார் இனியும் திருந்துவார்கள் என்ற நம்பிக்கையுடன் நாளை இந்தியாவின் சுதந்திர தினத்தை கொண்டாடுவோம்.

ஜெய் ஹிந்த்!

பி.கு: தமிழக அரசின் 'அனைவரும் அர்ச்சக்ர் ஆகலாம்' சட்டத்தை எதிர்த்து உச்ச நீதி மன்றத்தில் மனு செய்தது, 'ஆதி சைவ சிவாச்சாரியார்கள் நலச்சங்கம்' என்ற பிராமனர்கள் அல்லாத அமைப்பு என்பதை இங்கே தெரிந்துகொள்ளவும்.

அசைவ இந்தியாவில் பட்டினி இன்னும் போகலே!

இந்தியாவில் 35% பேர் கடந்த ஆண்டில் ஒரு முறையாவது, அவர்களோ அல்லது அவர்களின் குடும்ப உறுப்பினரோ, சாப்பாட்டு கிடைக்காமல் இருந்துள்ளனர்.

இதில் 7% பேருக்கு பட்டினி கிடக்க அடிக்கடி நேருகிறது.

தாழ்த்தப்பட்ட, பழ்ங்குடியின மக்களுடன், கிராம நகர வேறுபாடின்றி ஏழைமக்களிடமே பட்டினி பரவலாக உள்ளது.

சரி சாப்பிடுர மக்கள் எப்படியான சாப்பாட்டை சாப்பிடுறாங்க?

அசைவமுண்டு, சைவமும் உண்டு

இந்தியாவில், 60% பேர் மாமிச பட்சினிகள் என்பது ஒரு சுவாரசியமான தகவல். 31% சைவமும், 9% பேர் முட்டை அடிக்கும் சைவர்களாம்.

பிராமணர்களில் 55% மட்டுமே சைவம். (அப்ப மீதி?) கிறித்துவர்களில் 8% மும், முஸ்லீமகள் 3% மும் சைவர்கள்.


13% பேர் குவாட்டர் கோவிந்துகளாம். குடி பழக்கம் 'மிக' அதிகரித்துள்ளதாக 40%மும், கொஞ்சூண்டு தான்னு 24%மும், கொறைஞ்சு போச்சுன்னு 13%மும் கூறுகிறார்கள். ஆனால் (மருத்துவர் தமிழ்குடிதாங்கி மகிழும்படி) 73% பேர் மதுவிலக்கு வேண்டும் என விரும்புகிறார்களாம்.

மேற்படி தகவல்கள் ஹிந்து, CNN-IBN எடுத்த சர்வேயில் வெளிவந்துள்ளன. மேலும் பல சுவாரசியமான தகவல்களுக்கு சுட்டி
நன்றி: The Hindu

இந்தியாவில் 'கர்னல்' கருணா!

கருணா அவர்கள் ஆந்திர மாநில விசாகப்பட்டிணத்தில் இருப்பதாக நம்பத்தகுந்த வட்டார தகவல்.

புலிகளின் அதி பயங்கர பாய்ச்சல் காரணமாக, தங்களால் அடைகாக்க இயலாது என சில நாட்களுக்கு முன்பே கை விடப்பட்ட கேணல் கருணா அவர்களை, இந்திய கப்பற்படையிடம் கையளித்தளித்தாகவும், இந்திய நேவி தளத்தில் தற்சமயம் பாதுகாக்கப்பட்டு வரும் அவர் ஐரோப்பிய ஒன்றியம் அல்லது புலிகளை தடை செய்துள்ள மேலை நாடுகள் ஏதேனுமொன்றில் தஞ்சமடைய கூடும் என்றும் இந்திய உளவு அமைப்புகள் எண்ணுகின்றன.

ஓரிரு தினங்களில் முழுத்தகவலும் வெளி(ப்படை)யாகலாம்.

முஸ்லீம்கள் நலன் முன்னிட்டு புலிகள் போர் நிறுத்தம்.

அகதிகளாக மூதூரைவிட்டு வெளியேறிய முஸ்லீம் தமிழர்களை முன்னிட்டு, விடுதலை புலிகள் போர் நிறுத்தம், தங்கள் பழைய நிலைக்கு திரும்ப ஒத்துக்கொண்டுள்ளனர்.சிங்கள இராணுவமும் இதை ஏற்றுக்கொண்டுள்ளது (வேறு வழி?).

தகவல் மூலம் http://thatstamil.oneindia.in/news/2006/08/05/ltte.html

இது உண்மையாயின், சமீப காலத்தில் உலகளவில் நடந்த வியக்கத்தக்க 'இராஜியநகர்வு' இதுவென்றே நினைக்கிறேன்.

நிச்சயமானதும் மேலும் எழுதுகிறேன்.

Kudos to LTTE :))))))))))))))))))))))))))))))))))))

முஸ்லீம்கள் நலன் முன்னிட்டு புலிகள் போர் நிறுத்தம்.

அகதிகளாக மூதூரைவிட்டு வெளியேறிய முஸ்லீம் தமிழர்களை முன்னிட்டு, விடுதலை புலிகள் போர் நிறுத்தம், தங்கள் பழைய நிலைக்கு திரும்ப ஒத்துக்கொண்டுள்ளனர்.
சிங்கள இராணுவமும் இதை ஏற்றுக்கொண்டுள்ளது (வேறு வழி)
தகவல் மூலம்: http://thatstamil.oneindia.in/news/2006/08/05/ltte.html

இது உண்மையாயின், சமீப காலத்தில் நடந்த வியக்கத்தக்க 'இராஜியநகர்வு' இதுவென்றே நினைக்கிறேன்.

நிச்சயமானதும் மேலும் எழுதுகிறேன்.

Kudos to LTTE :))))))))))))))))))))))))))))))))))))

தமிழ்மணத்திற்கு பெட்டிஷன்...

ஹிஹி...

ஏன்னா மூனு பதிவு போட்டப்புறம் கூட மூனு போடு மூனு போடூனா எங்கன போடுறது?

சரி எப்பொ நாம்போட்ட மூனும் அவுகளுக்கு தென்படுதோ அப்ப சேத்துக்கங்கையா என்னையும்....

வணக்கத்துடன்...
விசும்பலும். :(

தமிழின் முதல் வலைப்பதிவு......

எது தமிழின் முதல் வலைப்பதிவு?

தமிழில் பதியப்பட்ட முதல் பதிவின் சுத்தியை தமிழ்மணத்தை சுத்திச்சுத்தி தேடிப்பார்த்தேன், தகவலே இல்லை.

யாராவது அதன் சுட்டியை தரவியலுமா?

நன்றி,
வணக்கத்துடன்....